მნიშვნელოვანია, რომ ეს შეხვედრა შედგა. ორივე მხარეს სურდა, რომ თურქეთი ამ შეხვედრას დასწრებოდა, - ამის შესახებ თურქეთის საგარეო საქმეთა მინისტრმა მევლუთ ჩავუშოღლუმ ანტალიაში უკრაინის და რუსეთის საგარეო საქმეთა მინისტრების შეხვედრის შემდეგ განაცხადა.
ჩავუშოღლუს თქმით, მას არ ჰქონდა მოლოდინები, რომ შეხვედრებზე ყველა მოთხოვნა დაკმაყოფილდებოდა.
„გარკვეული გადაწყვეტილებების მიღება შესაძლებელია მხოლოდ ხელმძღვანელების დონეზე. რა თქმა უნდა, ჩვენ ამ ყველაფრისგან სასწაულს არ ველოდით, მაგრამ ეს იყო მნიშვნელოვანი შეხვედრა, რადგანაც პოლიტიკური კონტაქტი შედგა“, - განაცხადა ჩავუშოღლუმ.
თურქეთის საგარეო საქმეთა მინისტრმა უკრაინის პრეზიდენტ ვოლოდიმირ ზელენსკისთან და რუსეთის პრეზიდენტ ვლადიმერ პუტინთან ბელარუსში ან თურქეთში პირისპირ შეხვედრის შესაძლებლობაზე ისაუბრა.
IPN.ge
