საქართველოში, პროდუქციის დეფიციტი არ იქნება, თუმცა გარდაუვალია ფასების ზრდა - ამის შესახებ ,,ბიზნესპრესნიუსს“ ბიზნეს დისტრიბუტორთა ასოციაციის პრეზიდენტმა, ივა ჭყონიამ განუცხადა.
მისი თქმით, ცალსახად შეიძლება ითქვას, რომ ბაზარს ახლა ყველაზე მეტად პანიკური შესყიდვები აზარალებს. ჭყონია ამბობს, რომ რუსეთის ან უკრაინის მხრიდან ნებისმიერი პროდუქციის შეზღუდვის პირობებში, შესაძლებელი იქნება სხვა ბაზრებზე გადაწყობა.
„ამ ეტაპზე რუსეთში ოპერირებული უცხოური კომპანიების პრობლემების შესახებ ინფორმაციას არ ვფლობთ, რომ რომელიმეს შეეზღუდა მუშაობა და ჩვენ ვერ შევძლებთ მათგან პროდუქციის მიღებას. თუ ეს მოხდა, თავად საერთაშორისო კომპანიების მიერ მოხდება ბაზრის ჩანაცვლებაც.
საქართველოში, პროდუქციის დეფიციტი არ იქნება, თუმცა გარდაუვალია ფასების ზრდა - ამის შესახებ ,,ბიზნესპრესნიუსს“ ბიზნეს დისტრიბუტორთა ასოციაციის პრეზიდენტმა, ივა ჭყონიამ განუცხადა.
მისი თქმით, ცალსახად შეიძლება ითქვას, რომ ბაზარს ახლა ყველაზე მეტად პანიკური შესყიდვები აზარალებს. ჭყონია ამბობს, რომ რუსეთის ან უკრაინის მხრიდან ნებისმიერი პროდუქციის შეზღუდვის პირობებში, შესაძლებელი იქნება სხვა ბაზრებზე გადაწყობა.
„ამ ეტაპზე რუსეთში ოპერირებული უცხოური კომპანიების პრობლემების შესახებ ინფორმაციას არ ვფლობთ, რომ რომელიმეს შეეზღუდა მუშაობა და ჩვენ ვერ შევძლებთ მათგან პროდუქციის მიღებას. თუ ეს მოხდა, თავად საერთაშორისო კომპანიების მიერ მოხდება ბაზრის ჩანაცვლებაც.
-0:05
საუბარია, მოწოდების ფასზე. რუსეთიდან ტრანსპორტირება 2 000-დან 2 500 დოლარამდე ჯდება, მაშინ, როცა ევროპის ყველაზე ახლო ქვეყნიდან, პოლონეთიდან 4 000 ევრო ღირს. წარმოიდგინეთ, რა ძვირია ეს ყველაფერი.
ახლა ბაზრისთვის მთავარია, არ მოხდეს პანიკური შესყიდვები. პროდუქტის დეფიციტი არ იქნება, თუმცა გარდაუვალია ფასების ზრდა. ვინმეს თუ ამის შიში აქვს და იმიტომ იმარაგებს, მინდა გაგახსენოთ, რომ მთელი ეს წლებია, პროცესი პერმანენტულად მიდის. ცხადია, ხვალ რაღაც უფრო ძვირი იქნება, მაგრამ ეს არ ნიშნავს, რომ იმდენი მარაგი გავაკეთოთ, ხელოვნური დეფიციტი შეიქმნას. გარკვეული დეფიციტი მოწოდებასთან დაკავშირებით იყო, მაგრამ ხდება გადალაგება, როცა შემოდინება მოხდება შედარებით უფრო დაიწევს ფასები.
ყველაზე ცუდი ფაქტორი რაც არის, მზესუმზირის ზეთის ნაწილია, რომლის ძირითად იმპორტიორები უკრაინა და რუსეთი იყვნენ. ეს შეიძლება დღეს არ აისახოს ბაზარზე და იმედია, ომიც ძალიან მალე დამთავრდება, მაგრამ წარმოიდგინეთ გრძელვადიან პერსპექტივაში, უკრაინაში როდის აღდგება ქარხნები, რომ მზესუმზირის ზეთი აწარმოონ ან მზესუმზირა დათესონ? ასე რომ, აქ დროებითი გაძვირება მოსალოდნელია, სანამ, შემდეგ ისევ მოხდება აღდგენის პროცესი.
მკაფიოდ ვამბობ, როგორც პანდემიის დროს არ უგრძვნია მოსახლეობას დეფიციტი, ისე არის და იქნება ახლაც, ასე რომ, ძალიან გთხოვთ, ნუ შევქმნით ხელოვნურ პანიკას. კოვიდის პირველი ტალღისასაც ვრცელდებოდა ფოტოები, სადაც ვხედავდით, რომ დახლი იყო დაცარიელებული, სინამდვილეში კი, ერთი, კონკრეტული ბრენდი არ იდო და არა პროდუქტი. ასეა ახლაც, შეფუთული შაქარი არ არის, თუმცა ასაწონი კვლავ ჩვეულებრივ იყიდება, ასე რომ, პანიკის საფუძველი არ არსებობს“, - განაცხადა ჭყონიამ,
მისი თქმით, დღეს, მთავრობის ეკონომიკური გუნდის წევრებთან სასურსათო უსაფრთხოების საკითხზე შეხვედრა გაიმართა. ,,ბიზნესპრესნიუსის“ კითხვაზე, პანდემიის პერიოდის მსგავსად, განიხილება თუ არა სუბსიდირების მექანიზმის ამოქმედება, ჭყონია აცხადებს, რომ ეს არამართებული და არასწორი იქნება. საუბარი შეიძლება მხოლოდ საგადასახადო შეღავათებზე იყოს.
ინფორმაციისთვის, დღეს, უკრაინის მთავრობამ ჭვავის, ქერის, წიწიბურას, ფეტვის, შაქრის, მარილისა და ხორცის ექსპორტი მიმდინარე წლის ბოლომდე აკრძალა. ამასთან, რუსული მედიით ცნობილი ხდება, რომ ვლადიმერ პუტინმა გასცა ბრძანება, რომელიც 2022 წელს რუსეთიდან გარკვეული პროდუქტებისა და ნედლეულის ექსპორტის და იმპორტის შეზღუდვას ან აკრძალვას გულისხმობს. ამ პროდუქტების სია რუსეთის მთავრობამ უნდა განსაზღვროს.
(Bpn)
