უკრაინის პრეზიდენტმა, ვოლოდიმირ ზელენსკიმ ხელი მოაწერა ბრძანებას, რომელიც საომარი მდგომარეობის დროს სახელმწიფო ღალატისა და მაროდიორობისთვის პასუხისმგებლობას ამკაცრებს.
ამიერიდან უკრაინაში სახელმწიფო ღალატისთვის მაქსიმალური სასჯელი სამუდამო პატიმრობითა და ქონების კონფისკაციით განისაზღვრა.
გარდა ამისა, მაროდიორობისთვის სასჯელის სახით 15 წლამდე პატიმრობა დამტკიცდა.
ცნობისთვის, აქამდე აღნიშნული დანაშაულებებისთვის მაქსიმალური სასჯელი 15 და 10 წლით თავისუფლების აღკვეთას ითვალისწინებდა.
IPN.ge
