უკრაინაში მიმდინარე მოვლენების შედეგად დაზარალებული ადამიანების დასახმარებლად კომპანია „ბრიკორამამ“ ,,საქართველოს წითელ ჯვარს“ გენერატორები, კარვები, წყლის-საწვავის ავზები და ელექტრო გადამყვანები გადასცა. ამის შესახებ ინფორმაციას ,,საქართველოს წითელი ჯვრის საზოგადოება“ ავრცელებს.
მათივე ინფორმაციით, ჰუმანიტარულ ტვირთი უკრაინის წითელ ჯვარში გადაიგზავნება. „საქართველის წითელი ჯვრის საზოგადოება“ მადლობას უხდის კომპანია ,,ბრიკორამას“ მხარდაჭერისთვის, ტვირთის გაგზავნის პროცესში აქტიურად არიან ჩართული „საქართველოს წითელი ჯვრის“ მოხალისეები.
,,შეგახსენებთ, რომ აქტიურად მიმდინარეობს კერძო ბიზნეს სექტორთან კომუნიკაცია როგორც თანხის შემოწირულობის, ასევე ჰუმანიტარული პროდუქტების მიღების მიზნით. საქართველოს წითელ ჯვარს მუდმივი კონტაქტი აქვს უკრაინის წითელ ჯვართან და, შესაბამისად, ინფორმირებულია მათი საჭიროებების შესახებ. აქედან გამომდინარე, შემუშავებულია პროდუქტების და პირველადი საჭიროების სხვა ნივთების ჩამონათვალი, რომლის უკრაინაში გაგზავნას უზრუნველყოფს საქართველოს წითელი ჯვარი“, - ნათქვამია ინფორმაციაში.
(lpn)
