ამერიკის შეერთებული შტატების დაზვერვის ცნობით, მოსკოვის მიერ უკრაინაში შეჭრის შედეგად, მხოლოდ გასულ თვეს, უკრაინაში 2-დან 4 ათასამდე რუსი სამხედრო მოსამსახურეა მოკლული. CNN-ის ინფორმაციით, ამის შესახებ განცხადება, ამერიკის თავდაცვის სამინისტროს სადაზვერვო სამმართველოს ხელმძღვანელმა გააკეთა.
გენერალ-ლეიტენანტმა სკოტ ბერიერმა წარმომადგენელთა პალატის დაზვერვის საკითხების კომიტეტში განაცხადა, რომ მოკლული რუსი ჯარისკაცების რაოდენობა სწორედ 2-დან 4 ათასამდე მერყეობს.
ბერიერმა აღნიშნა, რომ მონაცემები ეფუძნება როგორც სადაზვერვო წყაროებს, ისე ღია წყაროებიდან მიღებულ მონაცემებს.
IPN.ge
