რუსმა დამპყრობლებმა ჰუმანიტარული დახმარების გაცემისას გოსტომელის თემის ხელმძღვანელი იური პრილიპკო და მისი ორი თანამებრძოლი მოკლეს, - ამის შესახებ ინფორმაციას უკრაინული მედია, ადგილობრივი ხელისუფლების მიერ გავრცელებულ განცხადებაზე დაყრდნობით ავრცელებს.
„გოსტომელის თემის ხელმძღვანელი, იური ილიჩ პრილიპკო მოკლეს, როცა მშიერს პურს ურიგებდა, ავადმყოფებს - წამლებს, ანუგეშებდა სასოწარკვეთილს. ამისთვის, ოკუპანტებმა ის, თანამებრძოლებთან ერთად დახვრიტეს. ხალხი მას ელოდა, ხედავდნენ მასში იმედს, სჯეროდათ. ამიტომ მან გააკეთა არჩევანი - მოკვდა საზოგადოებისთვის, გოსტომელისთვის, გარდაიცვალა გმირივით, მარადიული ხსოვნა და ჩვენი მადლიერება“, - ნათქვამია ადგილობრივი ხელისუფლების მიერ სოციალურ ქსელში გავრცელებულ განცხადებაში, რომელსაც უკრაინული მედია ავრცელებს.
(lpn)
.jpg)