მან საყოველთაო მობილიზაციაზე ისაუბრა.
„გაუმარჯოს საქართველოს. ყველასთვის ყველაფერი ნათელია. ეს ყველაფერი პირობითობაა. ახლა მთავარია, გადარჩეს უკრაინა და შემდეგ ერთადერთი გზა არის მასობრივი მობილიზაცია. ხელისუფლების შეცვლა საქართველოში ისე, რომ ეროვნული ერთიანობის მთავრობა იყოს, ამას ალტერნატივა არ აქვს. უნდა მოვემზადოთ საყოველთაო მობილიზაციისთვის. გამარჯვება დაგვრჩება ჩვენ, ქართველ და უკრაინელ ხალხს, ცივილიზებულ კაცობრიობას. აბა თქვენ იცით“, - განაცხადა სააკაშვილმა.
მან გაიხსენა, რომ საქართველო 2008 წლის ომში მედგრად იდგა.
„2008 წელს ჩვენ მაგრად დავდექით,ახლა ხომ ნახეთ, რა მაგრად დავდგარვართ. კონდოლიზა რაისმა თქვა, რაც არ უნდა მომხდარიყო, მაინც ასე მოხდებაოდაო. ის, რომ მაშინ სააკაშვილი და ზოგადად, ქართული დემოკრატია გადარჩა, სწორედ ამიტომ არიან ახლა ეს ახალგაზრდები ქუჩაში, იმიტომ, რომ საქართველომ არსებობა გააგრძელა, არ გადაიქცა რუსეთის გუბერნიად და ჩეჩნეთად“, - განაცხადა სააკაშვილმა.
მისი თქმით, „დღეს საქართველოს ე.წ. მთავრობა ახალგაზრდებს ეუბნება, რომ რუსულ ჩექმას მიიღებენ“.
„ნურაფერზე დავკომპლექსდებით. ჩვენ ვიყავით ფრონტის წინა ხაზზე. მეუბნებოდა ყველა, დატოვე დედაქალაქი და არ დავტოვე, არ დავტოვე და სწორად მოვიქცევი, რადგან ამას მთელი ცხოვრება ვინანებდი. მაშინ ქართული სახელმწიფო გადარჩა. პრეზიდენტი ზელენსკი, რომელიც კიევს არ ტოვებს, ძალიან სახიფათო ადგილას არის. პრეზიდენტის ადმისტრაციისთვის რაკეტების მოხვედრა არის ძალიან ადვილი, მაგრამ ეს არის ვაჟკაცობა და კაცობა. ჩვენ დავიცავთ უკრაინას, ჩვენ გადავარჩენთ საქართველოს. ჩვენ ვართ ისტორიის სწორ მხარეს“,-განაცხადა სააკაშვილმა.
(lpn)
