უკრაინის ევროკავშირში გაწევრიანების განაცხადის განხილვის პროცედურა დაიწყო, - ამის შესახებ უკრაინის საგანგებო და სრულუფლებიანმა ელჩმა ნიდერლანდების სამეფოში ვსევოლოდ ჩენცოვმა „ტვიტერზე“ დაწერა.
„უკრაინის ევროკავშირში გაწევრიანების განაცხადი, რომელსაც ხელი პრეზიდენტმა ზელენსკიმ მოაწერა, ევროკავშირში საფრანგეთის, ევროკავშირის საბჭოს თავმჯდომარე ქვეყნის, მუდმივ წარმომადგენელს, ფილიპ ლეგლის-კოსტას გადავეცი,“ - წერს დიპლომატი.
მისი თქმით, განაცხადი დარეგისტრირებულია.
