ჩვენი ქვეყნის და ხალხის ინტერესებიდან გამომდინარე უნდა ვიხელმძღვანელოთ, შემდეგ ბუნებრივია, სხვა ხალხის ინტერესებზე ვიფიქროთ, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომის დაწყებისას განაცხადა.
როგორც პრემიერმა აღნიშნა, ხელისუფლება სოლიდარულია და გულისტკივილით უყურებენ უკრაინაში განვითარებულ მოვლენებს.
“ვინმეს უფიქრია, სააკაშვილი რომ იყოს ხელისუფლებაში სად ვიქნებოდით? ომი ჯერ თბილისში დაიწყებოდა, შემდეგ კიევში. ეს პირდაპირ უნდა ითქვას და არ უნდა მოვერიდოთ ამას. დღეს ჩვენ ხელისუფლებას პატივი და პასუხისმგებლობა გვაქვს. ჩვენი ქვეყნის და ხალხის ინტერესებიდან გამომდინარე უნდა ვიხელმძღვანელოთ, შემდეგ ბუნებრივია, სხვა ხალხის ინტერესებზე ვიფიქროთ. ჩვენ ყველას თანავუგრძნობთ, მაგრამ ჯერ ჩვენი ქვეყანა და ხალხი უნდა დავიცვათ“,- აღნიშნავს ღარიბაშვილი.
(lpn)
