რუსეთის მთავრობამ განაცხადა, რომ ადამიანებს, რომლებიც ეწინააღმდეგებიან უკრაინაში ქვეყნის შეჭრას, „არ აქვთ უფლება მოაწყონ საპროტესტო აქციები წინასწარი ნებართვის გარეშე”. ამის შესახებ კრემლის პრესმდივანმა დიმიტრი პესკოვმა განაცხადა.
„კანონის მიხედვით, შესაბამისი პროცედურების დაცვით, ამ მოქალაქეებს არ აქვთ უფლება მოაწყონ საპროტესტო აქციები თავიანთი აზრის გამოხატვის მიზნით“, - განაცხადა პესკოვმა.
CNN-ის ინფორმაციით, რუსეთში 40 ქალაქში გამართულ საპროტესტო აქციებზე 700-ზე მეტი ადამიანი დააკავეს.
რუსეთის კანონმდებლობის თანახმად, დიდი დემონსტრაციებისთვის საჭიროა მომიტინგეებმა მიმართონ ნებართვით შესაბამის უწყებას. ნებართვის წარდგენა უნდა მოხდეს ღონისძიებამდე არაუმეტეს 15, მაგრამ არანაკლებ 10 დღით ადრე. მძიმე ჯარიმები და ზოგიერთ შემთხვევაში პატიმრობაც კი შეიძლება დაწესდეს მათ წინააღმდეგ, ვინც პროტესტს ნებართვის გარეშე გამოხატავს.
(lpn)
