მისი ცნობით, რუსი სამხედროები ცდილობენ ადმინისტრაციული შენობების განადგურებას ან ხელში ჩაგდებას. ამასთან, როგორც ქალაქის მერი განმარტავს, მოსახლეობისთვის ყველა თავშესაფარი ღიაა.
„ძალიან დაძაბული ვითარებაა ჩვენი ქალაქისთვის. მტერი ცდილობს მელიტოპოლის ადმინისტრაციული შენობებისა და მისი ძალოვანი სტრუქტურების დაკავებას ან განადგურებას. ქუჩაში ბრძოლა მიდის,“ - განაცხადა მერმა.
მან ქალაქის მოსახლეობასაც მიმართა და მოუწოდა, უკრაინის შეიარაღებული ძალების გადაადგილების შესახებ ინფორმაცია სოციალურ ქსელში არ განათავსონ.
„ჩვენ გვჭირდება თქვენი დახმარება - არ განათავსოთ სოციალურ ქსელში უკრაინის შეიარაღებული ძალების ან ტერიტორიული დავის გადაადგილების შესახებ ინფორმაცია. შეინარჩუნეთ სიმშვიდე! ენდეთ მხოლოდ გადამოწმებულ ინფორმაციას და თავს გაუფრთხილდით!“- განაცხადა მერმა.
