InterPress.ge იუწყება, რომ ამის შესახებ აზერბაიჯანის განათლების მინისტრმა ემინ ამრულაევმა განაცხადა.
მისი თქმით, ეს საკითხი საქართველოში ვიზიტის დროს იყო ყურადღების ცენტრში: „საქართველოში ყოფნისას ეს საკითხი დაისვა საქართველოში აზერბაიჯანულენოვანი სკოლების წარმომადგენლებთან შეხვედრაზე და დღეს ეს საკითხი განვიხილეთ ჩემს კოლეგასთან საქართველოს განათლების მინისტრთან. ჩვენ განვიხილეთ რამდენიმე გადაწყვეტის შესაძლებლობა. ამის მიღწევა შესაძლებელია როგორც აზერბაიჯანის უნივერსიტეტებსა და საქართველოში არსებულ უნივერსიტეტებს შორის თანამშრომლობით, ასევე აზერბაიჯანის სხვადასხვა უმაღლესი საგანმანათლებლო დაწესებულებების მონაწილეობით, ასევე სამომავლოდ ორმაგი ხარისხის პროგრამების განხორციელებით. მჯერა, რომ ამ შეხვედრის შემდეგ სამუშაო შეხვედრების ფარგლებში ჩვენ შევძლებთ საზოგადოებას უფრო კონკრეტული გადაწყვეტილებების შესახებ ინფორმაცია მივაწოდოთ“.
მინისტრმა დასძინა, რომ განიხილეს ერთობლივი უნივერსიტეტის შექმნის შესაძლებლობა, როგორც პრობლემის ერთ-ერთი გრძელვადიანი გადაწყვეტა: „მაგრამ ამ გადაწყვეტილებების განხორციელებამდე საჭიროა ტექნიკური დეტალების დეტალური განხილვა“.
