„ახლა ჩვენს გეგმებშია ახალი ხაზის მშენებლობა ზანგაზურის დერეფნის გავლით აზერბაიჯანიდან ნახჭევანის ავტონომიურ რესპუბლიკამდე, იქიდან კი თურქეთამდე და ირანამდე. მე ვთქვი, რომ ზანგაზურის დერეფანი მნიშვნელოვან როლს ითამაშებს არა მხოლოდ რკინიგზის, მაგისტრალისა და საჰაერო ტრანსპორტისთვის, არამედ ამ დერეფნის გავლით ენერგიის ექსპორტისთვის. ჩვენ გვექნება ახალი ხაზი ელექტროენერგიის მიწოდებისთვის ნახჭევანის ავტონომიური რესპუბლიკისთვის, აზერბაიჯანის განუყოფელი ნაწილისთვის, იქიდან კი უცხოურ ბაზრებზე, თურქეთის შემდეგ კი ევროპაში“.
InterPress.ge. იუწყება, რომ ამის შესახებ აზერბაიჯანის პრეზიდენტმა ილჰამ ალიევმა AZERTAC-თან ინტერვიუში განაცხადა.
„ერთი ხაზი გადის საქართველო-თურქეთის მიმართულებით. მეორე ხაზიც უნდა გაიაროს. ჩვენ ამაზე ვმუშაობთ და ჩვენი მზარდი ექსპორტი გაზრდის ჩვენს მნიშვნელობას, გაზრდის ჩვენს გეოპოლიტიკურ მნიშვნელობას და ამავდროულად მოგვცემს დამატებითი ფინანსები. ჩვენ მოვიპოვებთ ფინანსებს არა მარტო ნავთობიდან და გაზიდან, არამედ ელექტროენერგიითაც და ჩვენი ქვეყანა უფრო კეთილდღეურად იცხოვრებს. ამიტომ, ყველა ეს პროექტი ჩვენს გეგმებშია. დღევანდელი გახსნის ცერემონია კიდევ ერთხელ აჩვენებს ჩვენს ძალასა და ნებას. ეს კი ჩვენს წინაშე არსებულ ყველა ამოცანის წარმატებით შესრულების კიდევ ერთი დასტურია “, - განაცხადა პრეზიდენტმა.
