InterPress.ge-სთან ინტერვიუში სამირა ბაირამოვამ აღნიშნა, რომ მსგავსი შემთხვევები უსიამოვნო და დისკრიმინაციულია.
„10 წლის წინ სამოქალაქო რეესტრში ვმუშაობდი, მაშინ აზერბაიჯანულ, სომხურ, რუსულ და ქართულ ენებზე მომსახურე ადგილობრივი აზერბაიჯანელები და სომხები ახორციელებდნენ მომსახურებას და არანაირი პრობლემა არ ყოფილა, ახლა მიკვირს, რომ ასეთი პრობლემა არსებობს. არასასიამოვნო სიტუაციაა, ბევრი საბუთი მქონია და თითოეულ განცხადებაში მელაპარაკებოდნენ აზერბაიჯანულად, დღეს საქართველოს კანონმდებლობა მოითხოვს, რომ ყველა საბუთი იყოს ქართულად. მარნეულის მოსახლეობის 90% აზერბაიჯანელია. ქვეყანაში ყველა დოკუმენტი ქართულ ენაზეა, ეს არ ნიშნავს, რომ პროცესიც ქართულად უნდა იყოს. ეთნიკური უმცირესობების ინტეგრაცია საქართველოში, განათლება და ასევე აქტიურობასთან დაკავშირებული ბევრი დისკრიმინაციაა. რა თქმა უნდა, ამ პრობლემებზე კომენტარის გაკეთება არც ისე ადვილია. იმიტომ რომ ჩვენ იქ არ ვიყავით შემთხვევის დროს. მოქალაქის თქმით, უსიამოვნოა, თუ მას რუსულად მოემსახურებიან და არა აზერბაიჯანულ ენაზე. რუსული არ არის სახელმწიფო ენა. ამჟამად კანონი მოქალაქეებს არ აძლევს ინფორმაციას საკუთარ ენაზე. მოქალაქეებს არ აქვთ უფლება დაწერონ განცხადება საკუთარ ენაზე- არც აზერბაიჯანულ, არც სომხურ ენაზე. ამის შესახებ სარჩელი შევიტანეთ. ველოდებით სასამართლოს შეფასებას ამ პროცესის შესახებ.“ - სამირა ბაირამოვა.
