"ეს პრობლემა ჩვენთვის ახალი არ არის. ამ საკითხზე უკვე წლებია ვსაუბრობთ. სამთავრობო უწყებები, ასევე ადგილობრივი თვითმმართველობები და მუნიციპალიტეტები რეგიონებში, სადაც ეთნიკური უმცირესობები მჭიდროდ არიან დასახლებული, მთარგმნელობითი რესურსების ნაკლებობა მნიშვნელოვან გავლენას ახდენს მომსახურების მიწოდებაზე ჩვენს მოქალაქეებს“.
InterPress.ge- ს ინფორმაციით ამის შესახებ „ადამიანის უფლებათა კვლევისა და მონიტორინგის ცენტრის“ თავმჯდომარე თამთა მიქელაძემ მარნეულის იუსტიციის სახლში მომხდართან დაკავშირებით კომენტარი გააკეთა.
InterPress.ge-სთან ინტერვიუში მან აღნიშნა, რომ ეს საკითხი ძალიან სერიოზული პრობლემაა და ძირს უთხრის მოქალაქეთა მომსახურების მიწოდების პროცესს.
„კერძოდ, სასამართლო სისტემა არის მოქალაქეთა მომსახურების მთავარი მიმწოდებელი და ჩვენ ნათლად ვხედავთ, რომ მათ არ აქვთ ეთნიკური უმცირესობებისთვის მთარგმნელობითი მომსახურება. მათ აქვთ რუსული და ინგლისური ენების მომსახურება მხოლოდ უცხოელებისთვის. როდესაც აზერბაიჯანელი მიდის იუსტიციის სახლში, ისინი უცხოელებისთვის განსაზღვრული ენობრივ მომსახურებას უწევენ. უმეტესობა რუსულად საუბრობს, მაგრამ ეთნიკური უმცირესობების მთარგმნელობითი სერვისები არ არსებობს. ამ პრობლემას უფრო ხშირად ვაწყდებით ჯავახეთსა და მარნეულში. ეთნიკურ უმცირესობებს, რომლებიც ძირითადად იუსტიციის სახლებში მუშაობენ, არ სურთ მომსახურების გაწევა აზერბაიჯანულ ან სომხურ ენაზე. რა თქმა უნდა, ეს არის ძალიან სერიოზული პრობლემა, რადგან ძირს უთხრის როგორც მოქალაქეების მომსახურების მიწოდების პროცესს, ასევე სახელმწიფოსთან ნდობაზე დამყარებულ ურთიერთობებს“, - განაცხადა თამთა მიქელაძემ.
