„ტრიბუნას“ ლიდერის დავით ჭიჭინაძის განცხადებით, ხელისუფლებას მიმდინარე პროცესებზე არც პასუხისმგებლობის აღება შეუძლია და ამის არც სურვილი აქვს.
როგორც მან აღნიშნა, ქვეყანაში მძიმე სოციალურ-ეკონომიკური თუ პოლიტიკური ვითარებააა შექმნილი და ერთადერთი, რაც იზრდება გადასახადებია.
„როდემდე უნდა ვიყოთ ჩუმად?! გარდა იმისა, რომ ისეთი ხელისუფლება გვყავს, ვისთვისაც ადამიანური თავგანწირვა გაუგებარი მოვლენაა და მხოლოდ მიცვალებულების ლანძღვა შეუძლიათ, მათ არაფერზე პასუხისმგებლობის აღება აღარ უნდათ. რაც არ უნდა ყოველ დილას გვეძახონ, ბიუჯეტი, ეკონომიკა გაიზარდაო, დღეს თუ მართლა ყველას არ შია ამ ქვეყანაში და ასე თუ ისე მაინც ახერხებს ლუკმა-პურის ყიდვას, ეს მხოლოდ ჩვენი ემიგრანტების დამსახურებაა.
ერთადერთი, რაც რეალურად იზრდება ვალები, პროცენტები და გადასახადებია. თუ ვალებიდან გათავისუფლებაზე და იმაზე არ ვიფიქრებთ, როგორ გავხადოთ ნაკლებვალიანი ადამიანები და ბიზნესი, ისე ჩვენი საშველი არასოდეს იქნება.
მთავრობაში საერთოდ რომ ვეღარ აზროვნებენ, ეს ფაქტია, მაგრამ ადამიანები თავის ჯიბეში და მაცივარში ხომ ხედავენ რეალობას?! რას ვაპირებთ, ოჯახების საშიმშილოდ გაწირვას, ქვეყნის დაქცევას ვეგუებით?!“-აღნიშნავს დავით ჭიჭინაძე.
(ipn)
.jpg)