მნიშვნელოვანია, პარლამენტმა ერთობლივად შევძლოთ როგორც უკრაინის მხარდამჭერი რეზოლუციის პროექტის ინიცირება, ასევე მისი მიღება - ვითხოვთ „ქართულ ოცნებასთან“კონსულტაციებს, - ამის შესახებ „სტრატეგია აღმაშენებლის“ დეპუტატმა, თეონა აქუბარდიამ „ლელოსა“ და „ნაციონალური მოძრაობის“ დეპუტატებთან შეხვედრის შემდეგ გამართულ ერთობლივ პრესკონფერენციაზე განაცხადა.
მისივე თქმით, ოპოზიციას აქვს კონკრეტული ინიციატივები, რის განხორციელებასაც სთავაზობენ პარლამენტს უკრაინის მხარდასაჭერად.
„დღეს დავასრულეთ კონსულტაციები ოპოზიციურმა ძალებმა პარლამენტში უკრაინის მხარდამჭერი რეზოლუციის მიღებასთან დაკავშირებით. მნიშვნელოვანია პარლამენტმა ერთობლივად შევძლოთ, როგორც პროექტის ინიცირება, ასევე დაუყონებლივ შემდგომ სასესიო კვირას მოხდეს ამ რეზოლუციის ერთობლივი მხარდაჭერის გზით დასრულება. ჩვენ გვაქვს კონკრეტული შეთავაზებები, მათ შორის ვითხოვთ "ქართულ ოცნებასთან" კონსულტაციებს, რადგან აუცილებელია ამ ვითარებაში გვქონდეს ერთიანი პოზიცია უკრაინის მხარდაჭერაზე, გვაქვს კონკრეტული ინიციატივები, რაც საპარლამენტო დონეზე შეიძლება გავაკეთოთ უკრაინის მხარდასაჭერად", - განაცხადა აქუბარდიამ.
(ipn)
