თუ ამ ქვეყანაში ვინმეს შეუძლია ხელისუფლებაში “ნაციონალური მოძრაობის“ დაბრუნება არ დაუშვას, ეს ვართ ჩვენ! – “ქართულ ოცნებას“ ყველაზე მეტად აწყობს და ყველაფერს აკეთებს იმისთვის, რომ პოლიტიკური ფრონტის წინა ხაზზე “ნაციონალური მოძრაობა“ იყოს, - აღნიშნული განცხადება პარლამენტში პარტია “საქართველოსთვის“ წევრმა, დეპუტატმა ბექა ლილუაშვილმა გააკეთა.
ბექა ლილუაშვილი მმართველი პარტიის ბრალდებებს გამოეხმაურა და აღნიშნა, პარტიას “საქართველოსთვის“ „ნაციონალურ მოძრაობასთან“ არც ერთ საკრებულოში კოალიცია არ შეუქმნია. მისივე თქმით, პარტიას „საქართველოსთვის“ კოალიცია არც “ქართულ ოცნებასთან“ ექნება და საკუთარ გეგმას მიჰყვება.
“ქართული ოცნება“ „ნაციონალურ მოძრაობასთან“ ალიანსს გვაბრალებს, ხოლო “ნაციონალური მოძრაობა“ პირიქით - “ქართულ ოცნებასთან“. როდესაც ვამბობთ, რომ “ქართული ოცნება “განაცდა“ სხვაგვარად რა ჰქვია იმას, როცა ქვეყნის წინაშე არსებული რეგიონული თუ შიდა სოციალურ-ეკონომიკური გამოწვევის ფონზე, მმართველი პარტია გამოდის და ბრიფინგს მართავს არა ზეპარტიული მნიშვნელობის საკითხებზე, არამედ რაღაც ცრუ ბრალდებებზე, რომლის „დასტაც“ ირაკლი კობახიძეს დაუგროვდა - მოღალატეობიდან და სახელმწიფო გადატრიალებიდან დაწყებული, “კოკაინშიკობით“ გაგრძელებული. ეს არის პოლიტიკური რეფლექსირება იმაზე, რომ „ქართულმა ოცნებამ“ რეალურად დაინახა საფრთხე. ჩვენ ჩვენს გეგმას უცვლელად მივყვებით და მუნიციპალიტეტი მუნიციპალიტეტზე ვაჩვენებთ, რომ ავტორიტარული რეჟიმის დასასრული იწყება“, - განაცხადა ბექა ლილუაშვილმა.
წალენჯიხის საკრებულოს თავმჯდომარე პარტია “საქართველოსთვის" წევრი კორნელი სალია გახდა. მას ამ პოსტზე მხარი ოპოზიციამ დაუჭირა. კენჭისყრაში მონაწილეობა“ქართული ოცნების" წევრებს არ მიუღიათ.
(ipn)
