„აზერბაიჯანსა და საქართველოს შორის ურთიერთობები ღრმავდება. კორონავირუსის (COVID-19) პანდემიის გამო დაწესებული სავალდებულო შეზღუდვების მიუხედავად, ორმხრივი ვაჭრობა სწრაფად იზრდება“.
InterPress.ge იუწყება, რომ ამის შესახებ აზერბაიჯანის ეკონომიკის მინისტრმა მიქაილ ჯაფაროვმა ბაქოში გამართულ აზერბაიჯან-საქართველო-თურქეთის ბიზნეს ფორუმზე განაცხადა.
„ამ წლის იანვარ-ოქტომბერში საქართველოსთან აზერბაიჯანის სავაჭრო ბრუნვის ღირებულება გასული წლის ანალოგიურ პერიოდთან შედარებით 33%-ით გაიზარდა. აზერბაიჯანი ერთ-ერთი უმსხვილესი ინვესტორია საქართველოში. დღეისათვის 3,3 მილიარდი დოლარის ინვესტიცია განხორციელდა. ჩვენ დაინტერესებული ვართ ახალი პროექტების განხორციელებით“, - განაცხადა მან.
