საქალაქო სასამართლოს მიმდებარე ტერიტორიაზე ხმაური და დაპირისპირება იყო. სადაც აქტივისტები და მიხეილ სააკაშვილის მხარდამჭერები აქციას მართავდნენ. უსაფრთხოების გამკაცრებული ზომებიდან გამომდინარე, მათ დღეს სასამართლოს ეზოში შესვლის უფლება არ ეძლევათ. აქტივისტები სასამართლოს ღობესა და დაცვის სამსახურის ჯიხურზე განთავსდნენ, რასაც სამართალდამცეველებთან დაპირისპირება მოჰყვა. მათ ჩამოსაყვანად პოლიციამ ე.წ წიწაკის სპრეიც გამოიყენა. ადგილზე მობილიზებულია სასწრაფო დახმარების ჯგუფები, ისინი დაშავებულებს პირველად დახმარებას უწევენ.
სასამართლოს შესასვლელთან მომხდარი ინციდენტის შემდეგ, სააკშვილის მხარდაჭერებმა გზის სავალი ნაწილი გადაკეტეს, რის გამოც მოძრაობა შეფერხებული იყო.
აქციაზე დააკავეს რამდენიმე მოქალაქე, ასევე, დაკავებულია გიგი უგულავა.
განცხადება გაავრცელა შინაგან საქმეთა სამინისტრომ. უწყება მოუწოდებს აქციის ორგანიზატორებს, მათ შორის პოლიტიკურ ლიდერებს, არ დაუშვან ძალადობისკენ მოწოდებები.
(report.ge)
