"დაავადებათა კონტროლის ცენტრის პოზიცია იყო სხვა, მაგრამ საკოორდინაციო საბჭომ უმრავლესობით მიიღო ეს გადაწყვეტილება გარკვეული პერიოდით, დავაკვირდებით და შემდგომ შეიძლება, გადაიხედოს". - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტის კითხვის საპასუხოდ განაცხადა, რომელიც დაინტერესდა ხომ არ შეიძლება, შეიცვალოს გადაწყვეტილება, რომელიც კოვიდგადატანილს მუდმივ მწვანე სტატუსს ანიჭებს.
გამყრელიძის განმარტებით, მწვანე პასპორტი მოიცავს ოთხ ინდიკატორს, ესენია: ორჯერადი აცრა, ინფექციის გადატანა, ბოლო 72 საათში ჩატარებული პისიარ ტესტი და ბოლო 24 საათში ჩატარებული ანტიგენის სწრაფი ტესტი.
"როგორც წესი, საკითხი მიიღება კონსენსუსით. ეს იმას არ ნიშნავს, რომ დავადებათა კონტორლის ცენტრი, ან თქვენი მონა-მორჩილი თუ რამეს იტყვის, ეს აუცილებლად უნდა იქნას მიღებული, ეს განიხილება და მერე უმრავლესობის აზრი არის გადამწყვეტი". - ამბობს გამყრელიძე.
საკოორდინაციო საბჭოს გადაწყვეტილებით, მოხსნილია ვადები კოვიდ-ინფექციის გადატანის შემთხვევაში და თუ ადამიანს გადატანილი აქვს კოვიდ-ინფექცია, ეს მას მუდმივ სტატუსს ანიჭებს.
(report.ge)
