ჩვენ ვართ აბსურდის თეატრში - ადამიანი შიმშილობს, რომ შიმშილობის შემდეგ ჰქონდეს უკეთესი მკურნალობა - სააკაშვილის შიმშილობა არის ტოტალური „ფეიკი“, - ამის შესახებ ჟურნალისტებთან პარტია „ქართული ოცნების“ თავმჯდომარე ირაკლი კობახიძემ განაცხადა.
მისივე თქმით, უკეთესი ჯანდაცვის მოთხოვნა სააკაშვილის მხრიდან მხოლოდ საბაბია.
„მსოფლიო ისტორიაში არ მომხდარა ასეთი რამ, რომ ადამიანი შიმშილობს შიმშილობის საფუძველზე უკეთესი მკურნალობის მოთხოვნით. შიმშილობა გულისხმობს იმას, რომ ყველაფერზე მიდიხარ და სააკაშვილი შიმშილობს, რომ ჰქონდეს შიმშილობის საფუძველზე უკეთესი მკურნალობა, ეს არის საბაბი, მსოფლიო ისტორიაში პირველი მოვლენა, რაც იმას ნიშნავს, რომ ჩვენ ვართ აბსურდის თეატრში. რაც ხდება დღეს აბსურდის თეატრია, რომ ადამიანი შიმშილობს, რომ შიმშილობის შემდეგ ჰქონდეს უკეთესი მკურნალობა,“ - განაცხადა კობახიძემ.
კითხვაზე, დაიჯერეს თუ არა, რომ სააკაშვილი რეალურად შიმშილობს, თუ ამას ისევ „ფეიკს“ უწოდებენ, კობახიძე აღნიშნავს, რომ სააკაშვილის შიმშილობა არის ტოტალური „ფეიკი“.
„არაფერი დაგვიჯერებია, გვაქვს კონკრეტული ინფორმაცია, თუ რა ხდება და როგორ ხდება. შიმშილობის 50- ე დღე რომ აწერია თქვენს ტელევიზიებს, ამით არის ყველაფერი ნათქვამი. ეს ნიშნავს იმას, რომ სააკაშვილის შიმშილობა არის ტოტალური „ფეიკი“, - განაცხადა კობახიძემ.
(ინტერპრესნიუსი)
