ინფორმაციას "რუსთავი 2" ავრცელებს.
გარდაცვლილი ბიჭის ოჯახი მომხდარში კლინიკას ადანაშაულებს.
ოჯახის ახლობლების განცხადებით, გარდაცვლილს 11 ნოემბერს კუჭის წყლულის ოპერაცია ახალციხის საავადმყოფოში ჩაუტარდა და 16 ნოემბერს საავადმყოფოდან გაწერეს, თუმცა 17-ში პაციენტის უკან დაბრუნება მოითხოვეს და ის მალევე გარდაიცვალა.
"დაგვირეკეს და გვითხრეს, რომ სასწრაფო ოპერაცია ჩაატარეს. ოთხი დღის შემდეგ გამოწერეს და სახლში წავიყვანეთ. თავს კარგად გრძნობდა. ამის შემდეგ მისი უკან დაბრუნება მოითხოვეს და თქვეს, რომ 10 დღის შემდეგ გამოწერდნენ. წავიყვანეთ საავადმყოფოში და დღეს დაგვირეკეს, რომ ცუდად გახდა და ახალქალაქის საავადმყოფოში გადაიყვანეს. ახალქალაქის საავადმყოფოში კი გვითხრეს, რომ როცა გადმოიყვანეს ის უკვე გარდაცვლილი იყო.
არ ვიცით რა მოხდა. ამის გაგება გვინდა, რატომ მოხდა ასე,"- აცხადებს გარდაცვლილის ერთ-ერთი ახლობელი "რუსთავი 2-თან".
