თბილისის მერიის ტრანსპორტისა და ურბანული განვითარების სააგენტოს ხელმძღვანელმა, ვიქტორ წილოსანმა განაცხადა, რომ ამ ეტაპისთვის საზოგადოებრივი ტრანსპორტის ტარიფის ზრდა არ იგეგმება.
"ერთჯერადი შეძენით შესაძლებლობა გექნებათ 1-თვიანი, 6-თვიანი და 1-წლიანი აბონემენტით ისარგებლოთ, რაც საშუალებას მოგცემთ ამ პერიოდში საზოგადოებრივი ტრანსპორტით უფასოდ გადაადგილდეთ", - განაცხადა ვიქტორ წილოსანმა. მისი თქმით აბონემენტის ღირებულება ამ დროისათვის დაზუსტების ეტაპზეა და ამის შესახებ განცხადებას დედაქალაქის მერი გააკეთებს.
მისი თქმით, ერთჯერადი ტარიფები კვლავ ძალაში დარჩება და აბონემენტი იმ პირებისათვის არის განკუთვნილი, ვინც საზოგადოებრივი ტრანსპორტით ხშირად სარგებლობს.
