დენისოვას განცხადებით, პენიტენციური სამსახურის მხრიდან უარის თქმაზე ოფიციალური განმარტება ჯერ არ მიუღია. მისივე თქმით, აპირებს, რომ ციხის ხელმძღვანელობას შეხვდეს.
„გავიგეთ, რომ მიხეილ სააკაშვილის ნახვაზე უარი გვითხრეს. ამზადებენ ოფიციალურ პასუხს და გვეცოდინება უარის მიზეზი. მაინც მოვედით, მინდა შევხვდე ამ დაწესებულების დირექტორს. ვიცი, რომ დირექტორს ჯანმრთელობის პრობლემები აქვს, მაგრამ ვიღაც ხომ ასრულებს მის მოვალეობას“, - აღნიშნა ლუდმილა დენისოვამ.
