„დიდუბის“ მეტროს მიმდებარე ტერიტორიასთან “ნაციონალური მოძრაობის" მიერ ორგანიზებული საპროტესტო აქცია მიმდინარეობს.
როგორც აქციის მონაწილეები აცხადებენ, მათი მთავარი მოთხოვნაა, საქართველოს მესამე პრეზიდენტი, მიხეილ სააკაშვილი მრავალპროფილურ სამოქალაქო კლინიკაში გადაიყვანონ. მათ მიხეილ სააკაშვილის მხარდამჭერი პლაკატები აქვთ მიტანილი.
აქციის მონაწილეები ხაზგასმით აღნიშნავენ, რომ ბოლომდე იბრძოლებენ.
დიდუბის მეტროს მიმდებარე ტერიტორიაზე უსაფრთხოების ზომებია გაძლიერებული. აქციაზე იმყოფებიან პარტიის ლიდერები. აქციის მონაწილეები და ლიდერები გეგმავენ, რომ ჯანდაცვის სამინისტროსთან გადაინაცვლონ.
(ipn)
