ჯანდაცვის სამინისტროსთან "ნაციონალური მოძრაობის" მიერ ორგანიზებული აქცია დასრულდა.
ტერიტორია უკვე დატოვეს "ნაციონალური მოძრაობის" ლიდერებმა და მხარდამჭერებმა.
აქციის მონაწილეების მოთხოვნა მიხეილ სააკაშვილის სამოქალაქო კლინიკაში გადაყვანა იყო. ამასთან, აქციაზე მყოფი რამდენიმე დეპუტატი ჯანდაცვის მინისტრთან შეხვედრას ითხოვდა, რაზეც უარი მიიღეს. ამ დროისთვის, ადგილზე სიმშვიდეა, თუმცა აქციის მიმდინარეობისას ვითარება რამდენჯერმე დაიძაბა. ერთმანეთს სამართალდამცავები და აქციის მონაწილეეები დაუპირისპირდნენ. დაკავებულია რამდენიმე პირი, ამასთან, შეუძლოდ გახდა აქციის ერთ-ერთი მონაწილე. უწყების როგორც შიდა, ასევე გარე პერიმეტრზე სამართალდამცველები იყვნენ მობილიზებულები.
(ipn)
