რადას დეპუტატის ლიზა იასკოს განცხადებით, უკრაინის პოზიციაა, რომ მიხეილ სააკაშვილი დაბრუნდეს უკრაინაში, თუმცა ამ მხრივ ბევრია დამოკიდებული საქართველოს ხელისუფლებასა და იმ პროცესებზე, რომლებიც ქვეყანაში მიმდინარეობს. ამის შესახებ მან ჟურნალისტებთან მიხეილ სააკაშვილის საპატიმროში მონახულების შემდეგ ისაუბრა. იასკოს თქმით, პასუხისმგებლობა არის ქართულ მხარეზე.
„ჩვენ ვსაუბრობთ პოლიტიკაზე, საქართველოზე, უკრაინაზე, მსოფლიოზე, მის მდგომარეობაზე. ის მხნედ არის, მაგრამ მე ხომ ვხედავ, რომ ამჯერად ის უფრო უარესად გამოიყურება. მე ყოველ ჯერზე ამას ვამბობ და სადამდე შეიძლება ეს ასე გრძელდებოდეს?! ამ მომენტისთვის ის შიმშილობის შეწყვეტას არ აპირებს და ეს ძალიან მძიმეა. მოცემული მომენტისთვის მან 20 კილოზე მეტი დაიკლო და აქვს ძალიან ცუდი სიმპტომები.
უკრაინის პოზიცია ასეთია, რომ მიხეილ სააკაშვილი დაბრუნდეს უკრაინაში, მაგრამ განვმეორდები, რომ ძალიან ბევრია დამოკიდებული საქართველოს ხელისუფლებაზე და იმ მოვლენებზე, რომლებიც ახლა აქ ვითარდება. პასუხისმგებლობა ამ მხრივ არის ქართულ მხარეზე“, - განაცხადა ლიზა იასკომ.
(ipn)
