მინდა მივმართო ქართველ ხალხს და ვუთხრა, რომ რაც მე დღეს ვიხილე, მიხეილ სააკაშვილის სიცოცხლეს სერიოზული საფრთხე ემუქრება, - ამის შესახებ უკრაინელმა დეპუტატმა ლიზა იასკომ რუსთავის ციხეში საქართველოს მესამე პრეზიდენტი მონახულების შემდეგ განაცხადა.
მისივე თქმით, მიხეილ სააკაშვილი ვლადიმერ პუტინის პირადი პატიმარია.
"მოვლენების შემდგომი განვითარება ქართველ ხალხზეა დამოკიდებული. მე უკრაინელი ვარ, არ ვმონაწილეობ საქართველოს არჩევნებში, მაგრამ აუცილებელია, რომ ხმები, მათ შორის მიხეილის სიცოცხლის გამო, არ დაიკარგოს და არ გაყალბდეს.
სამწუხაროდ, ჩვენ ვხედავთ, რომ მიხეილ სააკაშვილი ვლადიმერ პუტინის პირადი პატიმარია. ეს ძალიან მტკივნეულია და დიდი იმედია, რომ უახლოეს მომავალში ეს როგორღაც შეიცვლება, რადგან საქართველოსა და უკრაინის მომავალი დამოკიდებულია არჩევანზე, რომელიც უახლოეს დღეებში გაკეთდება", - განაცხადა ლიზა იასკომ.
