პრეზიდენტის, გამარჯვებული მთავარსარდლის, ილჰამ ალიევის ხელმძღვანელობით სომხეთის ოკუპაციისაგან ჩვენი მიწების გასათავისუფლებლად მამაცმა აზერბაიჯანულმა ჯარმა 27 სექტემბერს ყარაბაღში ფართომასშტაბიანი ომი წამოიწყო და წარმატებული კონტრშეტევითი ოპერაციებით 9 ნოემბრამდე 5 ქალაქი, 4 დასახლება და 286 სოფელი გაათავისუფლა. 44 დღის განმავლობაში ქალაქი ჯაბრაილი და მისი 90 სოფელი, ქალაქი ფიზული და მისი 53 სოფელი, ქალაქი ზანგილანი და რაიონის დაბა მინივანი, აღბენდი, ბართაზი და 52 სოფელი, ხოჯავანდის რაიონის დაბა ჰადრუთი და კიდევ 35 სოფელი, ტარტარის რაიონის 3 სოფელი, ქალაქი გუბადლი და მისი 41 სოფელი, ხოჯალოს რაიონის 9 სოფელი, ქალაქი შუშა, ლაჩინის რაიონის 3 სოფელი, აგრეთვე, აღდარასა და მუროვდაღის მიმართულებით რამდენიმე სტრატეგიული სიმაღლე, ზანგილანში კი ბართაზის, სიღირთის, შუქურათაზის და კიდევ სხვა 5 უსახელო სიმაღლე გათავისუფლდა.
ილჰამ ალიევის ურყევმა და პრინციპულმა პოზიციამ როგორც ბრძოლის მოედანზე, ასევე დიპლომატიურ ასპარეზზეც აზერბაიჯანის წარმატება განაპირობა. სამამულო ომის 44 დღის მანძილზე ჩვენმა სახელმწიფომ იხელმძღვანელა რა საერთაშორისო სამართლის პრინციპებით, კერძოდ კი, გაეროს წესდების 51-ე მუხლით, გამოიყენა რა საკუთარი ტერიტორიების გათავისუფლების უფლება, წარმატებული, ფართომასშტაბიანი კონტრშეტევითი ოპერაციები ჩაატარა. აზერბაიჯანის სახელმწიფომ 4 ოქტომბერს ქალაქ ჯაბრაილის, 17-ში ქალაქ ფიზულის, 22-ში ქალაქ ზანგილანის ოკუპანტთაგან გათავისუფლებით გაეროს უშიშროების საბჭოს მიერ 1993 წელს მიღებული და 27 წლის განმავლობაში შეუსრულებელი 874-ე და 884-ე რეზოლუცია თავად აღასრულა.
აზერბაიჯანის სამხედრო-დიპლომატიური გამარჯვებით დასრულებული 44 დღიანი სამამულო ომის შედეგად 20 ნოემბერს აღდამის, ხოლო 25-ში ქელბეჯარის ოკუპაციისაგან გათავისუფლებამ 10 ნოემბერს ხელმოწერილი სამმხრივი ხელშეკრულების შესაბამისი მუხლის შესრულება, აგრეთვე კონფლიქტის სამხედრო-პოლიტიკური გადაწყვეტა განსაზღვრა. ამის პარალელურად, პრეზიდენტ, მთავარსარდალ ილჰამ ალიევის უდრეკი და პრინციპული პოზიციის შედეგად გაეროს უშიშროების საბჭოს მიერ 1993 წელს მიღებული და 27 წლის განმავლობაში შეუსრულებელი, აგრეთვე საოკუპაციო ძალების ქელბეჯარისა და აღდამიდან გასვლის გამათვალისწინებელი 822-ე და 853-ე რეზოლუციები სწორედ აზერბაიჯანის მიერ წამოყენებული პირობებით შესრულდა. სამმხრივი შეთანხმების შესაბამისი მუხლის მიხედვით სომხეთის შეიარაღებული ძალების 2020 წლის 1 დეკემბრიდან ლაჩინის რაიონიდან გასვლა აზერბაიჯანის სამხედრო-დიპლომატიური წარმატებებად უნდა შეფასდეს.
ელჩინ აჰმადოვი
აზერბაიჯანის პრეზიდენტთან არსებული სახელმწიფო მართვის აკადემიის
პროფესორი, პოლიტიკურ მეცნიერებათა დოქტორი
.jpg)