მიხეილ სააკაშვილი შიმშილობის შეწყვეტას არ აპირებს, ის არ აპირებს კლინიკაში გადასვლას, მაგრამ არ აპირებს უარი თქვას ჯანდაცვის სექტორის წარმომადგენლებთან კონსულტაციაზე, - ამის შესახებ „ნაციონალური მოძრაობის“ წევრმა გიორგი ბოტკოველმა რუსთავის ციხიდან გამოსვლის შემდეგ განაცხადა.
მისი თქმით, მათ ყველაზე მეტი თელავზე ისაუბრეს.
„ძალიან ბევრი ვისაუბრეთ. ვისაუბრეთ ქვეყანაში შექმნილ მდგომარეობაზე და ჩემდა საბედნიეროდ და გასაკვირად, ყველაზე მეტი ვისაუბრეთ თელავზე. ბევრ რამეს მეკითხებოდა. მიუხედავად შიმშილობისა, მიუხედავად მისი ჯანმრთელობის მდგომარეობისა, არის მხნედ, შემართებით და მზად იმისთვის, რომ ჩვენ ყველაფერი გავაკეთოთ იმისთვის, რომ ეს ქვეყანა გამოვიყვანოთ იმ მდგომარეობიდან, რა მდგომარეობაშიც ჩააგდო ბიძინა ივანიშვილის რეჟიმმა. ის შიმშილობის შეწყვეტას არ აპირებს, თუმცა ექიმებთან კონსულტაციაზე უარს არ ამბობს, მზად არის მათთან ისაუბროს, მზად არის მათთან ჰქონდეს კომუნიკაცია, თუმცა ის შიმშილობის შეწყვეტას არ აპირებს. ის არ აპირებს კლინიკაში გადასვლას, მაგრამ არ აპირებს უარი თქვას კონსულტაციაზე ჯანდაცვის სექტორის წარმომადგენლებთან", - განაცხადა ბოტკოველმა.
(ipn)
