მე მაქვს ჩემი ხალხის უპირობო მხარდაჭერის იმედი. ამის თქმის უფლებას მაძლევს მათი ჩვენდამი დამოკიდებულება.- ამის შესახებ ბოლნისში "ქართული ოცნების" მერობის კანდიდატი დავით შერაზადიშვილი სოციალურ ქსელშ წერს.
როგორც "ფეისბუქის" საკუთარ გვერდზე დავით შერაზადიშვილი აღნიშნავს, "ქართული ოცნება" პირველივე ტურში გაიმარჯვებს.
„ჩემო ბოლნისელებო,
გამარჯვებას ზუსტად ერთი დღე გვაშორებს! მე მაქვს ჩემი ხალხის უპირობო მხარდაჭერის იმედი. ამის თქმის უფლებას მაძლევს მათი ჩვენდამი დამოკიდებულება. მოგეხსენებათ, ჩავატარეთ აქტიური საარჩევნო კამპანია, ყველა დასახლებულ პუნქტში შევხვდით მოსახლეობას როგორც ღია საჯარო, ასევე კარდაკარის პრინციპით და მე ყოველთვის ვგრძნობდი მათ კეთილგანწყობას.
ჩვენი თანამოქალაქეები ობიექტურად აფასებენ მოვლენებს. მე და ბოლნისი განუყოფელი ვართ, ჩვენ ყოველთვის გამოვირჩევით ერთსულოვნებით და მუდამ ვერთიანდებით ჩვენი მუნიციპალიტეტის უკეთესი ხვალინდელი დღისთვის. მჯერა, რომ ხვალაც ყველა ამ იდეის გარშემო გავერთიანდებით.
მადლობა თითოეულ ბოლნისელს, მხარდაჭერისთვის, გვერდში დგომისა და ნდობისთვის. მჯერა ყველა ერთად შევქმნით უკეთეს ბოლნისს! აქვე მინდა მადლობა გადავუხადო ჩემს გუნდს,თითოეულ მხარდამჭერს, აქტივისტს თავდაუზოგავი შრომისთვის, ერთგულებისთვის , თავდადებისა და თანადგომისთვის. ჩვენ, ყველა ერთად კვლავ გავიმარჯვებთ!“ - წერს დავით შერაზადიშვილი
