„ქართული ოცნება - დემოკრატიული საქართველო“-ს მარნეულის მერობის კადიდატმა, კენან ომაროვმა წინასაარჩევნო კამპანია ოფიციალურად დაასრულა.
კანდიდატმა შემაჯამებელ ღონისძიებაზე მხარდამჭერებს მადლობა გადაუხადა. შეაჯამა საარჩევნო კამპანიის პროცესი. ასევე, დამსწრე საზოგადოებას წარუდგინა 2022-2025 მარნეულის განვითარების გეგმის ვიდეორგოლი.
„მოხარული ვარ, რომ დარბაზში ამდენ გულანთებულ ადამიანს ვხედავ. მარნეულელები სიტყვის ხალხი ვართ, ჩვენ შეგვიძლია ერთმანეთის გვერდში დგომა, ეს ყოველთვის ჩანს და კიდევ ერთხელ, სწორი არჩევანით დავამტკიცებთ. წინასაარჩევნო კამპანია მშვიდად და ღირსეულად ჩავატარეთ, როგორც ეს ჩვენს გუნდს და პარტიას სჩვევია. ვიყავით თითოეულ მარნეულელთან, მოვისმინეთ მათი საჭიროებები და გავაცანით ჩვენი სტრატეგიული განვითარების ხედვა. გულწრფელ მადლობას ვუხდი თანამოქალაქეებს, გულთბილი დახვედრისთვის და მხარდაჭერისთვის. მადლობა ჩემს ოჯახის წევრებს მთელი კამპანიის განმავლობაში გულშემატკივრობისთვის. ყოველ შეხვედრაზე ვგრძნობდი თქვენს თანადგომას. „ქართული ოცნების“, გუნდი, ხელისუფლებაში მოსვლის დღიდან რეგიონების განვითარებაზე ზრუნავს, სწორედ ამიტომ, მუნიციპალიტეტის ხვალინდელი დღე თითოეული ჩვენგანის პასუხისმგებლობაა. ჩვენ ერთად უნდა შევქმნათ მარნეულის უკეთესი მომავალი“ - განაცხადა კენან ომაროვმა.



