ჯანდაცვის მინისტრის მოადგილის, ეკატერინე ტიკარაძის განცხადებით, საქართველოში ეპიდემიოლოგიური ვითარება სტაბილურია, თუმცა ჯერ კიდევ მაღალი რჩება ლეტალობის მაჩვენებელი. აღნიშნული განცხადება მან სამეგრელო-ზემო სვანეთში ვიზიტისას გააკეთა.
ეკატერინე ტიკარაძის შეფასებით, რეგიონში ვაქცინაციის მაჩვენებელი დაბალი.
ამასთან, მინისტრის განმარტებით, ქვეყანაში მეხუთე ტალღის დაწებაზე საუბარი ნაადრევია.
„საქართველოში ეპიდემიოლოგიური ვითარება სტაბილურია, თუმცა მნიშვნელოვანია, რომ ტრანსპორტის ამოქმედებასთან ერთად, მოქალაქეებმა ჯანდაცვის სამინისტროს მიერ გაცემული რეკომენდაციები დაიცვან. რაც შეეხება მეხუთე ტალღას, ამასთან დაკავშირებით გარკვეული საუბრები არის სხვადასხვა ქვეყნებში, თუმცა ამ ეტაპისთვის საქართველოში ამაზე საუბარი ნაადრევია. ჩვენ არაერთი კვლევა გვაქვს ჩატარებული იმასთან დაკავშირებით, თუ როგორია ინფექციის გავრცელების მაჩვენებელი. ძირითადი რისკის მატარებლები 60 წელს ზემოთ მყოფი მოქალაქეები და ქრონიკული დაავადების მქონე პაციენტები არიან. მათი ვაქცინაცია ძალიან მნიშვნელოვანია, ვინაიდან, ინფიცირების შემთხვევაში მათ კლინიკა და რეანიმაცია ესაჭიროებათ . მაღალია ლეტალობის მაჩვენებელიც“,-ამის შესახებ ეკატერინე ტიკარაძემ განაცხადა.
(Report)
