„ქართული ოცნება - დემოკრატიული საქართველო“-ს მარნეულის მერობის კადიდატი, კენან ომაროვი, ალგეთისა და კაპანახჩის ადმინისტრაციულ ერთეულში მცხოვრებ მოსახლეობას შეხვდა. შეხვედრაზე კანდიდატმა ადგილობრივების საჭიროებები მოისმინა.
შეხვედრებს მარნეულისა და გარდაბნის მაჟორიტარი დეპუტატი, ზაურ დარგალი და მარნეულში ქართული ოცნების საარჩევნო შტაბის ხელმძღვანელი, ამირან გიორგაძე ესწრებოდნენ.
„ჩვენმა მუნიციპალიტეტმა ხელისუფლებაში „ქართული ოცნების“ მოსვლის შემდეგ დიდ პროგრესს მიაღწია. ბევრი წარმატებული ინფრასტრუქტურული პროექტი განხორციელდა ალგეთისა და კაპანახჩის ადმინისტრაციულ ერთეულების სოფლებში. მე და ჩემს გუნდს გვაქვს ხედვა თუ როგორ უნდა გახდეს მარნეული უფრო ეფექტური, უფრო განვითარებული და წარმატებული. ამ მიმართულებით, ჩემი ერთ-ერთი პრიორიტეტი გახლავთ ახალგაზრდების ხელშეწყობა, მათ განვითარებაზე, განათლებაზე და დასაქმებაზე ზრუნვა. მჯერა, რომ მარნეულში მცხოვრებ ნებისმიერ ახალგაზრდას მომავალში ექნება საშუალება, რომ ყველა სფეროში მიაღწიონ წარმატებას, დასაქმდნენ ადგილზე და ჰქონდეთ ღირსეული შემოსავალი. ამისთვის, საჭიროა მჭიდრო კომუნიკაცია მოსახლეობასთან და მათი ხედვების გაზიარება. მე კარგად მესმის, რამდენად მნიშვნელოვანია ახალგაზრდების უშუალო მონაწილეობა მარნეულის ხვალინდელი დღის შექმნაში, ამიტომ ღიაობა ჩემთვის პრიორიტეტი იქნება“, - განაცხადა კენან ომაროვმა.