„ქართული ოცნების„ ბოლნისის მუნიციპალიტეტის მერობის კანდიდატი დავით შერაზადიშვილი საარჩევნო კამპანიის ფარგლებში სოფელ ტალავერში მცხოვრებ ქალებს, საქართველოს პარლამენტის წევრ, გოგი მეშველიანთან ერთად შეხვდა.
შეხვედრაზე ისაუბრეს განხორციელებულ პროექტებსა და სამომავლო გეგმებზე.
გარდა ამისა, მერობის კანდიდატმა გენდერული თანასწორობის მნიშვნელობას გაუსვა ხაზი და განაცხადა, რომ თანაბარი პირობების შექმნა მისი მთავარი პრიორიტეტია, რისთვისაც საჭიროა საზოგადოების ყველა წევრის აზრსა და საჭიროებას იცნობდეს.
„ქალის როლი ისევე მნიშვნელოვანია საზოგადოებრივ და პოლიტიკურ ცხოვრებაში, როგორც ოჯახში. ჩვენთვის მნიშვნელოვანია, რომ ბოლნისის მუნიციპალიტეტში შევქმნათ თანაბარი პირობები ყველასთვის„- განაცხადა დავით შერაზადიშვილმა.

