"ქართული ოცნების" თავმჯდომარე, ირაკლი კობახიძე საქართველოს მესამე პრეზიდენტის განცხადებას ეხმაურება.
მისი თქმით, მიხეილ სააკაშვილი საქართველოში ჩამოსვლას ვერ მოახერხებს.
"ჩვენ სააკაშვილისგან მიჩვეული ვართ წინასაარჩევნო საჩუქრებს, მაგრამ ასეთი საჩუქარი მაინც უნიკალურია. დაახლოებით 7%-იანი შეიძლება იყოს ეს, რაც გაგვიკეთა სააკაშვილმა.
ეს არის მეშვიდე ანონსი მისი მხრიდან საქართველოში ჩამოსვლასთან, ქვეყნის არევასთან დაკავშირებით და ვერც ერთხელ მან ეს ვერ მოახერხა. ბუნებრივია, ვერც ამ შემთხვევაში მოახერხებს.
მას აქვს ასეული მილიონი საქართველოდან წაღებული და ამ ფულს აბანდებენ ქართულ პოლიტიკაში, თუმცა ეს ინვესტიციაც არის წარუმატებელი. მისი განცხადებების მნიშვნელობა არის "ოცნებისთვის" საჩუქარი და ხელს შეუწყობს კიდევ უფრო მეტ მობილიზაციას, რომ ჩამოვიდეს ის მოხვდება შესაბამის დაწესებულებაში", - განაცხადა კობახიძემ.
(Report)
