ამირან გამყრელიძე განათლების სისტემის ამუშავებისთვის პედაგოგებს, ლექტორებს, მოსწავლეებს, სტუდენტებსა და მათ მშობლებს აცრისკენ მოუწოდებს. დაავადებათა კონტროლის ცენტრის ხელმძღვანელი ამბობს, რომ სექტემბერი და ოქტომბერი აცრების გააქტიურების 2 თვე უნდა გახდეს რათა ქვეყნისთვის მნიშვნელოვანი პროცესი, სწავლა განახლდეს.
"აუცილებელია მათი მაქსიმალური რაოდენობით აცრა. უნივერსიტეტების სტუდენტები უკვე აუცილებელია, რომ იყვნენ აცრილი, რადგან ოქტომბერში, როცა დასწრებული სწავლა უნდა აღდგეს ქვეყანაში, განსაკუთრებით პატარა ბავშვებისთვის პირველი 5-7 კლასის ბავშვებისთვის აუცილებელია, მათ უჭირთ ეს ონლაინ სწავლა.
გაითავისოს თითოეულმა მშობელმა, ყველას ხომ უნდა, რომ ბავშვი სკოლაში დადიოდეს, აიცრას თითოეული მშობელი," - განაცხადა ამირან გამყრელიძემ "რუსთავი 2"-თან საუბრისას.
(Report)
