მარნეულის სოფელ აზიზქენდის საჯარო სკოლის მასწავლებლებმა და მშობელებმა, საპროტესტო აქციას გამართეს, პედაგოგები სკოლიდან, იმ პედაგოგის გაშვებას ითხოვენ, ვისი პირადი ცხოვრების ამსახველი კადრებიც, რამდენიმე თვის წინ გავრცელდა.
InterPress.ge -ს, მარნეულის საგანმანათლებლო რესურსცენტრში უთხრეს, რომ აღნიშნული საკითხი, სკოლის გადასაწყვეტია და მსჯელობა უკვე მიმდინარეობს
აღსანიშნავია, რომ აზიზქენდის სკოლის პედაგოგის პირადი ცხოვრების ამსახველი კადრები, რამდენიმე თვის წინ გავრცელდა, რაშიც ამავე სკოლის ყოფილი დირექტორი ზაბილ გოჯაევია ბრალდებული
ზაბილ გოჯაევი რამდენიმე დღე მარნეულის საგანმანათლებლო რესურსცენტრის ხელმძღვანელი იყო, მოვალეობის შერულებიდან რამდენიმე დღეში კი დააპატიმრეს.იგი მარნეულის რესურსცენტრის დირექტორის მოვალეობის შემსრულებლად, 2 ივნისს დაინიშნა მანამდე, ოთხი წლის განმავლობაში, სოფელ აზიზკენდის საჯარო სკოლის დირექტორი იყო.
„სამართალდამცველებმა ზ.გ. 2021 წლის 10 ივნისს დააკავეს. მას ბრალდება საქართველოს სისხლის სამართლის კოდექსის 157-ე პრიმა მუხლის პირველი ნაწილით (პირადი ცხოვრების საიდუმლოს უკანონოდ მოპოვება და შენახვა) წარედგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს“.
