„დიდგორის ბრძოლა – ეს არის ქართველი ხალხის თავისუფლებისკენ სწრაფვის, გამარჯვების, ერთიანობისა და ძლიერების სიმბოლო. დიდგორის ბრძოლის 900 წლისთავი პანდემიიდან გამომდინარე, მოქმედი რეგულაციების სრული დაცვით აღვნიშნეთ.“- თქვა გოგი მეშველიანმა.
ღონისძიების ფარგლებში, საზოგადოებას სიტყვით მიმართეს და დიდგორობა მიულოცეს საქართველოს პრემიერ მინისტრმა, ირაკლი ღარიბაშვილმა, პარლამენტის თავმჯდომარე კახა კუჭავამ და თავდაცვის მინისტრმა ჯუანშერ ბურჭულაძემ. დიდგორის ბრძოლის 900 წლის იუბილესთან დაკავშირებით, სამხედრო მოსამსახურეები პრემიერ-მინისტრის ინიციატივით შექმნილი სპეციალური მედლით “დიდგორი 900” დაჯილდოვდნენ. ჯილდოები მათ ირაკლი ღარიბაშვილმა პირადად გადასცა.
