მათივე ცნობით, სომხეთის შეიარაღებულმა ძალებმა აზერბაიჯანელი სამხედროების პოზიციებს ცეცხლი დღეს ადგილობრივი დროით 16:00-ზე გაუხსნეს.
„სნაიპერის მიერ ნასროლი ტყვიის შედეგად დაიღუპა აზერბაიჯანის სამხედრო მოსამსახურე“, – ნათქვამია უწყების მიერ გავრცელებულ განცხადებაში.
განცხადებაში აღნიშნულია, რომ ახლა აზერბაიჯანელი სამხედროები საპასუხო ზომებს მიმართავენ.
„ასეთი პროვოკაციებით სომხური მხარე მიზნად ისახავს ორი ქვეყნის საზღვარზე სიტუაციის დაძაბვას“, – წერია აზერბაიჯანის თავდაცვის სამინისტროს განცხადებაში.
სომხეთ-აზერბაიჯანის საზღვარზე ვითარება 12 მაისიდან დაძაბულია.
