19 ივლისს, დაახლოებით 23:40 საათზე, სომხეთის შეიარაღებული ძალების ქვედანაყოფებმა ვედის რაიონის სოფელ არაზდეიენის მახლობლად მდებარე პოზიციებიდან სხვადასხვა კალიბრის იარაღიდან ნახიჭევანის ავტონომიური რესპუბლიკის სადარაკის რაიონში აზერბაიჯანის არმიის პოზიციებს ცეცხლი გაუხსნეს, - ინფორმაციას აზერბაიჯანის თავდაცვის სამინისტრო ავრცელებს.
უწყების ცნობით, სროლის შედეგად, აზერბაიჯანის არმიის სამხედრო მოსამსახურე ფეხში დაიჭრა. პირველადი დახმარების გაწევის შემდეგ ის სამედიცინო დაწესებულებაში გადაიყვანეს.
"მოწინააღმდეგე საპასუხო ცეცხლით იქნა ჩახშობილი. ამ დროისთვის ვითარება ამ მიმართულებით სტაბილურია, ოპერაციულ სიტუაციას ჩვენი ჯარების ქვედანაყოფები აკონტროლებენ", - აღნიშნულია უწყების განცხადებაში.
