სახელმწიფო უსაფრთხოების სამსახურის ანტიკორუფციულმა სააგენტომ "გაერთიანებული წყალმომარაგების კომპანიის" სამი თანამშრომელი დააკავა.
უწყების განცხადებაშია აღნიშნულია, რომ დაკავებულებს ქრთამის აღება ედებათ ბრალად.
"სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, საქართველოს გენერალურ პროკურატურასთან თანამშრომლობით, ჩატარებული ოპერატიულ-სამძებრო და საგამოძიებო მოქმედებების შედეგად, მოსამართლის განჩინების საფუძველზე, წინასწარი შეთანხმებით ჯგუფის მიერ ქრთამის აღების ფაქტზე შპს "საქართველოს გაერთიანებული წყალმომარაგების კომპანიის" მშენებლობის ზედამხედველობის დეპარტამენტის უფროსი და ამავე კომპანიის ორი თანამშრომელი დააკავეს", - აღნიშნულია გავრცელებულ ინფორმაციაში.
