აღმოსავლეთ ევროპის უნივერსიტეტში,16 ივლისს, მუშტი-კრივის ტურნირი გაიმართება, სადაც ერთმანეთს, მარნეულელი სპორტსმენი, საქართველოს ჩემპიონი კიკბოქსინგში გიორგი ქიმაძე და პროფესიონალი MMA-ს მებრძოლი, გენადი ჟორჟოლიანი დაუპირისპირდებიან.
გიორგი interpress.ge-სთან ყვება, რომ მოგების იმედი აქვს.
,,არიან სპორტსმენები, რომლებიც წაგებას ვერ ეგუებიან, ჩემთვის კი წაგება სტიმულის მომცემია. ეს არის სპორტის ისეთი სახეობა როცა ყველაფრისთვის მზად უნდა იყო. ამ შემთხვევაში არ ვფიქრობ წაგებაზე. ეს ტურნირი ჩემთვის არის ძალიან პრესტიჟული, რადგან ჩვენი მოწინააღმდეგე გუნდის წევრთან მიწევს ბრძოლა. ჩემი მოწინააღმდეგე კარგი მებრძოლია, შერეულ ორთაბრძოლებში იღებს მონაწილეობას. მგონია რომ უფრო მეტად ძლიერი ვარ მასზე, დანარჩენს კი რინგზე ვნახავთ 16-ში."- განაცხადა ქიმაძემ.
მუშტი-კრივი, იგივე შიშველი მუშტებით ორთაბრძოლაა. ბოლო პერიოდში საკმაოდ სწრაფად მზრდადი სპორტის სახეობაა.
ცნობილმა ქართველმა MMA-ს მებრძოლმა გიგა კუხალაშვილმა და გიორგი გოჩოლეიშვილმა დაახლოებით 1 თვის წინ დააანონსეს მუშტი-კრივის ორგანიზაციის შექმნა და უკვე პირველ დიდ ღონისძიებასაც გვთავაზობენ.
