კომისიის წევრები შერჩეულ კანდიდატებს პრეზიდენტს გადაუგზავნიან, რის შემდეგაც პრეზიდენტი ცესკო-ს თავმჯდომარეობის და წევრობის შერჩეულ კანდიდატებს პარლამენტს დასამტკიცებლად წარუდგენს.
როგორც "საქართველოს ახალგაზრდა იურისტთა ასოციაციის" თავმჯდომარე ნიკა სიმონიშვილი ჟურნალისტებთან აღნიშნავს, შესაძლოა, კომისიამ ცესკოს თავმჯდომარეობისა და წევრობის კანდიდატები ვერ შეარჩიოს.
„შესაძლებელია ზოგიერთ კანდიდატთან კონსენსუსიც იყოს, შეიძლება ყველა კანდიდატთან მიმართებითაც იყოს კონსენსუსი, შესაძლებელია ვერც მივაღწიოთ კონსენსუს და ხმათა უმრავლესობით გადაწყდეს. თეორიულად და პრაქტიკულადაც, არის იმის ალბათობა, რომ კანდიდატები ვერც კი შეირჩნენ, აქედან გამომდინარე, ჩვენ ამის თაობაზე ვიმსჯელებთ",- აღნიშნავს სიმონიშვილი.
ცნობისთვის, ცესკოს თავმჯდომარეობის პოზიციის დასაკავებლად გასაუბრება გაიარა- ვილი პაჭკორიამ, მაია გურამიშვილმა გიორგი კალანდარიშვილმა, იმედა კლდიაშვილმა, გიორგი სანტურიანმა, ილია ჭანტურაიამ ლილი ბეგიაშვილმა, ბონდო გასვიანმა.
ხოლო ცენტრალური საარჩევნო კომისიის წევრობის პოზიციის დასაკავებლად კონკურსში ემზარ კაკულია, გია ცაცაშვილი, კონსტანტინე ჩიტანავა, თამაზ თაყაძე, ანა მიქელაძე, მარი კაპანაძე და არჩილ მდივნიშვილი იღებდნენ მონაწილეობას.
İpn.ge
