მარნეულში 7 თვის ორსულ ქალს თავს მეზობელი დაესხა. ამელია ურუმოვა მარნეულში მცხოვრები აქტივისტია, რომელიც "შაბათის ფორმულასთან" საუბრისას ამბობს, რომ ეს მის მიმართ განხორციელებული თავდასხმის პირველი შემთხვევა არაა.
ურომოვას თქმით, 25 ივნისს მას მეზობელი ხათუნა გელაშვილი გაუსწორდა ფიზიკურად. ქალების დაპირისპირებას ორი პოლიციელი შეესწრო.
"ვიფიქრე რომ ორ პოლიციელთან ერთად დაცული ვიქნებოდი, მაგრამ როგორც კი შევედი და კარი დაიკეტა, ხათუნა გამოიქცა ჩემკენ და ჩემი ცემა დაიწყო. თავში, მხრებსა და მკერდზე მირტყამდა, თუმცა მუცელზე გამიზნულად არ შემხებია", - ამბობს მარნეულში მცხოვრები აქტივისტი.
ორ ქალს შორის დაპირისპირების მიზეზი დაუდგენელია. მეზობლები ურუმოვას ქონებრივ ინტერესებზე საუბრობენ. ისინი ამბობენ, რომ შეუძლოდ მყოფ ქალს ფულს სძალავდა.
თავად ურუმოვა ამბობს, რომ თანამოქალაქეების მხრიდან შევიწროების ფაქტს ხშირად ჰქონია ადგილი. მათი მხრიდან მტრული დამოკიდებულებების მიზეზად კი აქტივიზმსა და მოხალისეობრივ საქმიანობას ასახელებს.
(Report)
