გარდაბნის მუნიციპალიტეტში 24 ივნისს ,უბედურმა შემთხვევამ ორი მოზარდის სიცოცხლე იმახვერპლა,15 და 17 წლის ახალგაზრდა ,ჰიდროელექტრო სადგურის : ,,მტკვარი ენერჯი"-ს ტერიტორიაზე, ხელოვნურად შექმნილ წყალსაცავში ბანაობისას დაიხრჩვნენ.
მომხდარის შემდეგ, InterPress.ge ადგილზე ჩავიდა და მოსახლეობას გაესაუბრა, აღმოჩნდა რომ კომპანიის ტერიტორიაზე არც უსაფრთხოების ზომები არარის მიღებული და არც შემოღობილია მხოლოდ ბანერია განთავსებული სადაც წერია ,,ბანაობა აკრძალულია“
ადგილზე, კომპანიის ყოფილ თანამშრომელსაც შევხვდით, ზაურ ლოჩოშვილის თქმით, აღნიშნულ წყალსაცავში უბედური შემთხვევა ბევრჯერ მომხდარა.
,,უსაფრთხოების ზომები აქ არარის, ეს კომპანია სანამ სახელწიფოსი იყო კიდე არაუშავდა,ახლა რაც კერძო პიროვნებისაა სულ უყურადღებოთაა, არარის შემოღობილი,ისე კი ჩემი იქ მუშაობის პერიოდში დაახლოებით 10 ადამიანი მყავს ამოყვანილი წყლიდან, ამ ბავშვების ამბავის გარდა ,აქ კიდევ ბევრი მომხდარა მსგავსი."
გვითხრა ლოჩოშვილმა.
გარდაცვლილების ოჯახის წევრები, მომხდართან დაკავშირებით კომენტარს არ აკეთებენ,პირად საუბარში გვითხრეს რომ კომპანიას არ უჩივიან.
,,ჩვენ რა კომენტარი უნდა გავაკეთოთ?! კომპანიის წარმომადგენლებს არ ვადანაშაულებთ,ბრალი მას მიუძღვის ამ ამბავში,ვინც ბავშვები იქ წაიყვანა საბანაოდ."
განაცხადა ერთ-ერთი გარდაცვლილის ოჯახმა.
გარდაბნის მუნიციპალიტეტის მერიაში საკითხზე განაცხადეს რომ ,კომპანია,,მტკვარი ენერჯი" არის კერძო საკუთრება და მერიას ამ შემთხვევაში პასუხისმგებლობა არაქვს.
InterPress.ge კომპანია ,,მტკვარი ენერჯი"-ს წარმომადგენელს დაუკავშირდა ,თუმცა კომენტარი არ გაგვიკეთეს და ყურმილი გაგვითიშეს.
24 ივნისს მომხდარ ტრაგედიაზე, შინაგან საქმეთა სამინისტრომ გამოძიება,სისხლის სამართლის კოდექსის 115-ე მუხლით დაიწყო.
.jpg)