პარლამენტის იურიდიულ საკითხთა კომიტეტის თავმჯდომარე ანრი ოხანაშვილი აცხადებს, რომ „საარჩევნო კოდექსში“ შესატანი ცვლილებები მნიშვნელოვნად გააუმჯობესებს საარჩევნო კანონმდებლობას და მასში ასახული იქნება ეუთო/ოდირის რეკომენდაციებიც.
„მმართველი გუნდის მიერ დაანონსებული ამბიციური საარჩევნო რეფორმა არის რეალობა. ამას მოწმობს ისიც, რომ ოპოზიციის წარმომადგენლებმაც დაუჭირეს მხარი ამ ცვლილებებს - ყველამ არა, მაგრამ მათ, ვინც ხელი მოაწერა შარლ მიშელის შეთანხმებას. მნიშვნელოვნად გაუმჯობესდება საარჩევნო კანონმდებლობა და ასახული იქნება ეუთო/ოდირის რეკომენდაციებიც“, - განაცხადა ანრი ოხანაშვილმა.
„საარჩევნო კოდექსში“ შესატან ცვლილებებში შეუთანხმებელ საკითხებთან დაკავშირებით პარლამენტში კიდევ ერთი სამუშაო შეხვედრა გაიმართება.
(imedi)
