მარნეულის მუნიციპალიტეტის სოფელ მარადისში მცხოვრები,ქართული ენის პედაგოგი ლამარა ბოლქვაძე, 2021 წლის ,,მასწავლებლის ეროვნული ჯილდო"-ს ათეულში მოხვდა.
InterPress.ge იუწყება, რომ ლამარა ბოლქვაძე უკვე 25 წელია პედაგოგია და ამჟამად, მარნეულის მუნიციპალიტეტის ორ სკოლაში, სოფელ კასუმლოსა და მარადისში ქართულ ენასა და ლიტერატურას ასწავლის.
იგი ამბობს, რომ აღნიშნულ კონკურსში მონაწილეობა, მეგობრებისა და მოსწავლეების თხოვნით გადაწყვიტა.
,,არ ვაპირებდი კონკურსში მონაწილეობას მაგრამ ,მოსწავლეების და ახლობლების თხოვნით,შევავსე აპლიკაცია და ჟიურის გადაწყვეტილებით ათეულში მოვხვდი, ვიბრძოლებ კიდევ ბევრი წარმატებისთვის და ჩემს სოფელსა და თემში ბევრი კარგი პროექტის განხორციელებისთვის."
ამბობს პედაგოგი.
კონკურსის ,,მასწავლებლის ეროვნული ჯილდო საქართველოში უკვე ხუთი წელის ტარდება და მისი მიზანია, საქართველოში ,წარმატებული პედაგოგების წახალისება და საზოგადოებისთვის წარდგენა, 2021წლის ,,მასწავლებლის ეროვნული ჯილდოს " ფინალი კი ხუთ ოქტომბერს იქნება და გამოვლინდება გამარჯვებულიც.
