”ყარაბაღის მეორე ომის შემდეგ, ჩვენ ვმუშაობთ ახალ დერეფანზე - ზანგაზურის დერეფანზე. საერთაშორისო დონეზე, მისი სახელი უკვე დამკვიდრდა, როგორც ზანგაზურის დერეფანი. ეს თურქეთსა და აზერბაიჯანს შორის ახალ კავშირს
შექმნის.
InterPress.ge AZERTAC– ზე დაყრდნობით იუწყება, რომ ამის შესახებ აზერბაიჯანის პრეზიდენტმა ილჰამ ალიევმა თურქეთის ტრანსპორტისა და ინფრასტრუქტურის მინისტრის ადილ ქარაისმაილოღლუს ხელმძღვანელობით დელეგაციის მიღების დროს განაცხადა.
აზერბაიჯანის პრეზიდენტმა თქვა, რომ ომის შემდეგ პირველ ეტაპზე სომხეთმა გამოხატა თავისი პროტესტი ამ საკითხთან დაკავშირებით: ”მაგრამ ცოტა ხნის წინ მე გავიგე, რომ სომხური მხარე უკვე სწორად აანალიზებს ამ დერეფნის გარდაუვალობასთან დაკავშირებულ საკითხებს. როგორც მოგეხსენებათ, დისკუსიები ახლა სამმხრივ ჩარჩოებში მიმდინარეობს. ეს საკითხი განიხილება სამუშაო ჯგუფში აზერბაიჯანის, რუსეთისა და სომხეთის პრემიერ მინისტრების დონეზე და კარგი შედეგებიც არსებობს.
